Taipei

Ti Taipei (literal a kas "Amianan ti Tai(wan)"), opisial nga ammo a kas Siudad ti Taipei (Insik: 臺北市wenno台北市; pinyin: Táiběi Shì; Pe̍h-ōe-jī: Tâi-pak Chhī), ket ti kapitolio a siudad ken ti espesial a munisipalidad ti Taiwan. Mabirukan daytoy iti akin-amianan nga ungto ti Taiwan, ti Siudad ti Taipei ket maysa nga enclave ti munisipalidad ti Siudad ti Baro a Taipei. Daytoy ket agarup a 25 km (16 mi) iti abagatan a laud ti akin-amian a a puerto a siudad ti Keelung. Ti siudad ket kaaduan a mabirukan iti Labneng Taipei, ti maysa nga antigo a sirok ti danaw a nabeddengan babaen dagiti dua nga akikid a ginget dagiti karayan Keelung ken Xindian, nga agsilpo dagitoy tapno mangporma ti Karayan Tamsui iti igid ti akinlaud a pagbeddengan ti siudad. Ti maitutop a siudad ket pagtaengan ti populasion a nakarkulo iti 2,693,672 in 2009, a mangporma iti bugas a parte ti metropolitano a lugar ti Taipei–Keelung a mangiraman kadagiti asideg a siudad ti Baro a Taipei ken Keelung nga agraman iti populasion iti 6,900,273, ti maika-40 a kaaduan iti populasion nga urbano iti lubong. Ti nagan a "Taipei" ket mabalin a mangibaga iti sibubukel a metropolitano a lugar wenno ti maitutop a siudad. Ti Taipei ket isu ti sentro ti politika, ekonomia, edukasion, ken kultura ti Taiwan, ken maysa kadagiti kangrunaan a sentro iti lubong ti agsasao iti Insik. Naikeddeng a global a siudad, ti Taipei ket paset ti nangruna a lugar iti industria iti high-tech.